«Halqymyz uly kúnge balaǵan, jyl basy sanaǵan jasampaz Naýryz – birlik pen mereke meıramy. Qaıta jańarǵan Naýryzdyń tarıhy – bizdiń táýelsizdigimizdiń tarıhy! Biz kóne tarıhymyzdan kúsh-qýat alyp, táýelsizdik týraly óz armanymyzdy júzege asyra aldyq», - degen edi Prezıdent Nursultan Nazarbaev. Elbasy sózine sáıkes, Mádenıet jáne sport mınıstrligi ıgi isti qolǵa aldy. Mınıstrlikke qarasty barlyq mekemeler 1 naýryzdan bastap ǵımarattaryn ulttyq merekege saı bezendirip, Naýryz merekesin nasıhattaýǵa kiristi. Jaqsy bastamaǵa alǵashqylardyń biri bolyp Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy qoldaý kórsetti.

- Naýryz – tarıhı mazmuny tereń, áleýmettik-rýhanı máni zor meıram. Bul qasıetti merekeden ultymyzdyń bolmysyn, salt-dástúrimizdiń aıqyn naqyshyn kóremiz. Sondyqtan tól merekemizdi tórge shyǵaratyn ýaqyt jetti. Mádenıet jáne sport mınıstrligi qolǵa alǵan igi iske qýana kelisip, tek mekeme syrtyn emes, búkil áriptesterimizben árbir kabınetti merekege saı bezendirdik. Álbette, mereke tek syrtqy sán-saltanatymen emes, mazmunymen mándi,- deıdi baspa bóliminiń basshysy Álim Sádýaqasuly.