Reseıdiń Krasnodar qalasynda kópqabatty turǵyn úıdiń eki qabatynyń qabyrǵasy qulady dep jazady Qamshy.kz aqparat agenttigi TASS agenttiginiń deregine súıenip. Turǵyn úıdiń qulaýyna gaz balonynyń jarylýy sebep bolǵan. Zardap shekkenderdiń sany alty adamǵa jetti.

«Qazir jaraqat alǵan 6 adam aýrýhanaǵa jatqyzyldy. Olardyń ishinde 2 bala bar. Zardap shekkenderdiń jaraqattary aýyr emes», - deıdi agenttikke aqparat bergen adam.

«Saǵat 10:20-da turǵyn úı qabyrǵysynyń qulaǵany týraly aqparat tústi. Qabyrǵa birneshe jerden qulap, shatyr bólikteri qırady. Órt shyqqan joq. Tórtinshi besinshi qabat aralyǵyndaǵy baspaldaq alańshasy búlindi. Adam ólimi tirkelgen joq»,-dep habarlaıdy jergilikti TJM baspasóz qyzmeti.