Brıtandyq astrofızık jáne kosmolog Stıven Hokıng 76 jasqa qaraǵan shaǵynda ómirden ótti, dep habarlaıdy Qamshy.kz aqparat agenttigi BBC News saıtynyń deregin negizge ala otyryp.
Hokıng qara qurdym teorıasy men salystyrmalylyq teorıasy salasyndaǵy zertteýlerimen tanylǵan. Sondaı-aq, brıtandyq fızık-teoretık birneshe tanymal kitaptardyń, sonyń ishinde «Ýaqyttyń qysqasha tarıhy» atty eńbektiń avtory.
Hokıngtiń balalary — Lúsı, Robert jáne Tım BBC-ge súıikti ákeleriniń qaıtys bolǵanyna qatty kúızeletindikterin jetkizgen. «Ol uly ǵalym jáne erekshe adam boldy. Onyń eńbekteri men murasy ómir boıy jasaıdy», dep habarlady agenttik olardyń sózderin.
1960-jyldardyń basynda Hokıngte búıir amıotrofıkalyq skleroz belgileri paıda bolyp, sonyń saldarynan sal aýrýymen naýqastandy. Biraq, ol ǵylymı qyzmetimen belsendi aınalysty.
