Qoǵam belsendisi Naǵashybaı Esmyrza Abaıdyń rólin somdap júrgen akter Erlan Biláldi synǵa aldy dep jazady Qamshy.kz aqparat agenttigi. Ol óz pikirin vıdeo arqyly jetkizip, Facebook-taǵy óziniń paraqshasynda jarıalady. Onyń aıtýynsha, para alyp ustalǵan Erlan Bilál teatrda oınaýǵa, Abaıdyń rólin somdaýǵa laıyq emes.
«Adamnyń beti qalyń bolsa, qıyn eken ǵoı. Keshe jańalyqtardan Erlan Biláldiń teatrda Abaı beınesin somdap júrgenin kórsetti. Qylmysker ekendigi (para alý – qylmys) sot arqyly dáleldengen adamnyń Abaıdy somdaýǵa qalaı beti barady? Onyń ornynda men bolsam, eki qolymdy tóbeme qoıyp qańǵyp keter edim. Bolmasa, asylyp óler edim… Biz qazaq ólimnen uıat kúshti dep ósken halyqpyz», — deıdi Naǵashybaı Esmyrza.
