Germanıada Býndestag depýtattary sársenbi kúni Hrıstıan-demokratıalyq odaǵynyń lıderi (HDO) Angela Merkeldi Germanıa kanslerligine saılady. Osylaısha, Merkel tórtinshi ret qatarynan GFR kansleri bolyp saılandy.

Merkeldiń kandıdatýrasyn tek 364 depýtat qoldady, oǵan qarsy 315-i daýys bergen. Toǵyzy qalys qalǵan.

2017 jyldyń qyrkúıek aıynda ótken saılaýda Merkeldiń konservatıvti blogy jeńiske jetken. Biraq nátıjesi tarıhtaǵy eń tómen kórsetkish – ol bar-joǵy Býndestagtyń 34,70 paıyz ornyn alǵan.

Jarty jyl boıy Merkel koalısıa jóninde kelissózder júrgizdi. Bastapqyda Erkin demokratıalyq partıa (FDP) lıberaldarymen, biraq qarasha aıynda birinshisi "Merkelmen ortaq ıdeıamyz joq" dep qarym-qatynasty úzgen. Osydan keıin Merkel Martın Shýls basqaratyn Germanıanyń Sosıal-demokratıalyq partıanyń qoldaýyna úmit artty. Qańtar aıynan beri jańa kabınet qurý jóninde kelisimge keldi.