22 naýryzda Óskemende latyn qarpinde jazýdan jarys ótedi. Bas júlde – qazaqtyń qara dombyrasy, dep habarlaıdy Qamshy.kz aqparat agenttigi. 

«Latyn grafıkasy – órkenıet jazýy» atty aksıany oblystyq tilderdi damytý basqarmasy uıymdastyryp otyr.

– «Rýhanı jańǵyrý» baǵdarlamasy aıasynda ótkiziletin is-sharanyń maqsaty –latyn grafıkasyndaǵy jańa álipbıdiń mán-mańyzyn kópshilikke tanystyrý, turǵyndardyń jańa álipbıge qyzyǵýshylyǵyn arttyrý. Aksıada jańa álipbı negizinde jazý daǵdysyn qalyptastyrýǵa arnalǵan birneshe kezeńnen turatyn oıyndar uıymdastyrylady. Jeńimpazdar túrli syılyqtarmen marapattalady. Bas júlde – qazaqtyń qara dombyrasy, – deıdi SHQO tilderdi damytý basqarmasynyń basshysy Aıdyn Shaımardanov.