Búgin zorlyqtyń qurbany boldy degen 7 jastaǵy balanyń ájesi qazaqstandyqtarǵa vıdeo úndeý jasady, dep habarlaıdy Qamshy.kz aqparat agenttigi. 

«Balaǵa járdem bereıin dep oblys ákimi, Bálıeva apaılar bizge keshe jaqsy qurmet kórsetip, qarsy aldy. Baýyrjan Azanǵa, Qurmanǵazy Artyqqa raqmetimdi aıtamyn. Osy ýaqytqa deıin bizge qamqorlyq jasap, súıep keldi. Balany Bálıeva jáne ákimder Astanaǵa emdetýge alyp kettedi. Sizder renjimeńizder. Barlyq adamǵa tek tynyshtyq tileımin. Bári jaqsy bolady», - dedi ájesi.

Aıta keteıik,  «OQO-daǵy Saryaǵash aýdany Abaı aýylynyń jeti jastaǵy turǵyny zorlyqtyń qurbany boldy» degen habar áleýmettik jelige keń tarap, jergilikti BAQ-tyń nazaryna ilinip, áleýmettiń ashý-yzasyn týdyryp, qatty talqylaýǵa ulasqan. 14 naýryz kúni Batyrbekova men jıenin polısıa ustaǵany habarlanǵan. Jergilikti qoǵam belsendisi Dinmuhamed Artyqovtyń aıtýynsha, Batyrbekova men onyń jıenin sársenbi keshki saǵat 20.00 shamasynda Shymkent vokzalynan Almatyǵa júreıin dep turǵan jerinen jıyrma shaqty polıseı kúshtep alyp ketken bolatyn.