Búgin 7 jastaǵy zorlandy degen balaǵa qatysty ótken konferensıada  OQO turǵynynyń advokaty Baýyrjan Azanov "balanyń aýrýǵa shaldyqqan bolý múmkin be?" degen jýrnalıserdiń suraǵyna, dáriger emes ekendigin, sondyqtan naqty aıta almaıtynyn, dese de ondaı aqparattyń baryn aıtty, dep jazady  Qamshy.kz aqparat agenttigi.

Balanyń qoıanshyq aýrýyna shaldyqqan bolýy múmkin ekenin de jasyrmady.

Zańger kóp ýaqyttan beri balanyń ájesimen de, anasymen de baılanysqa shyǵa almaı otyrǵanyn aıtady. Tek keshe túngi ekiler shamasynda ájesine habarlasa alǵan, alaıda ájesi qaıda ekenderin túsindire almaǵan.

Baýyrjan Azanov konferensıadan shyqqannan keıin birden Astanaǵa bala men onyń ájesine baratynyn aıtady. Alaıda olardyń naqty meken jaıyn bilmeıtinin jetkizdi.

Baýyrjan Azanovtyń aıtýynsha, ol balanyń zańgeri bola tura, balamen de onyń zańdy ókilderimen de kezdese almaı júr.