Vladımır Pýtın barlyq reseılikterdi 18 naýryzda ótetin prezıdenttik saılaýǵa qatysýǵa shaqyrdy dep habarlaıdy RIA Novostı.
"RF Konstıtýsıasy boıynsha eldegi jalǵyz bılik kózi ol — halyq. Kez kelgen adam tańdaýdy ózi jasaıdy, bizdiń memlekette árýaqytta solaı bolǵan. Reseıdiń bolashaǵy árbir reseıliktiń qolynda",-dedi prezıdent.
Onyń aıtýynsha, prezıdenttik saılaý kezinde árkim ózi laıyqty dep tańdaǵan adamǵa daýys berýge quqyly.
"Alaıda eger siz daýys bermeıtin bolsańyz, sizdiń kózqarasyńyz eskerilmeıdi",-dedi ol.
Eske salsaq, RF prezıdenttigine saılaý osy jeksenbide ótedi. Prezıdenttik saılaýdyń úmitkerleri: Sergeı Babýrın, Pavel Grýdının, Vladımır Jırınovskıı, Vladımır Pýtın, Ksenıa Sobchak, Maksım Sýraıkın, Borıs Tıtov, Grıgorıı Iavlınskıı.
