Qazaqstan prezıdenti Nursultan Nazarbaev Astanada ótken Ortalyq Azıa elderi basshylarynyń bas qosýynda Reseıdegi saılaýǵa qatysty pikirin bildirip, bul kezdesý Reseı, Qytaı sekildi iri eldermen baılanysqa keri áserin tıgizbeıdi dep málimdedi.
Astanada ótken Ortalyq Azıa elderi memleket basshylarynyń kezdesýi kezinde Nazarbaev 2017 jyly Qazaqstannyń Ortalyq aımaq elderimen eksport kólemi 35 paıyzǵa artqanyn, mundaı kórsetkishke "buryn-sońdy qol jetpegenin" aıtty.
Onyń sózinshe, aımaq elderi shekaralarynda jańa tekserý jáne ótkizý beketteri ashylyp, kólik qatynasy qalpyna kelip, shekara máseleleri birtindep rettelip jatyr.
"Árıne, biz bul jerde Ortalyq Azıa jáne Qazaqstanmen tuıyqtalyp qalamyz demeımin. Bizdiń Qytaı jáne Reseı sıaqty úlken kórshilerimiz bar. Olarmen berik baılanystamyz. Biz bul irgeli kórshilerimizben, úlken naryqpen belsendi yntymaqtastyq ornatqanbyz jáne ony jalǵastyrǵymyz keledi",- dedi Nazaraev.
Qazaqstan prezıdenti sóziniń sońynda Reseıdegi aldaǵy prezıdent saılaýynyń jaqsy ótkenin qalaıtynyn jáne Reseı prezıdenti Vladımır Pýtınge sáttilik tileıtinin aıtty.
Reseıde prezıdent saılaýy aldaǵy jeksenbi, 18 naýryzda ótedi.
