Arýjan Saın OQO-daǵy Saryaǵash aýdany Abaı aýylynyń jeti jastaǵy turǵynyna qatysty ótken konferensıada keshe balanyń anasymen sóıleskenin aıtty, dep habarlaıdy Qamshy.kz aqparat agenttigi. 

Arýjan Saınnyń málimetinshe, balanyń anasy keshe jelige taraǵan balanyń ájesiniń alǵys aıtqan vıdeosyna senbeıtinin aıtqan. 

-Keshe balanyń anasymen kezdestim. Zańgerde boldy. Áıel bizdiń kózimizshe balanyń ájesine qońyraý shaldy. Alaıda onyń telefony óshirilip turdy. Áıel keshe jelide taraǵan vıdeoǵa senbeıtinin aıtty, - deıdi Arýjan Saın. 

Qaıyrymdylyq qorynyń basshysy balanyń anasy - otbasynyń jalǵyz asyraýshysy ekenin jáne otbasynda múmkindigi shekteýli adam bar ekenin aıtqan. 

Arýjan Saınnyń jýrnalıserge bergen málimetine sáıkes, balanyń anasy qazir Astanaǵa bara jatqanyn aıtqan. 

Esterińizge sala keteıik, keshe zorlandy degen balanyń ájesiniń halyqqa, ákimderge, Zaǵıpa Bálıevaǵa alǵys aıtqan vıdeosy Youtube jelisinde jarıalanǵan. Birneshe saǵattan keıin vıdeo jeliden óshirilgen.