Reseı Federasıasynda saılaý aldyndaǵy úgit jumystaryna tyıym salynǵan tynyshtyq kúni ótip jatyr, dep habarlaıdy Qamshy.kz aqparat agenttigi TASS-qa silteme jasap.
«RF Prezıdentin saılaý týraly» zańǵa sáıkes, telearnalar men radıolarda, baspasózder men jelilik baspalarda jergilikti ýaqyt boıynsha saǵat 00:00-den bastap úgit-nasıhat jumystary toqtatylady. Úmitkerler men partıalar 17 naýryz kúni úgit júrgizbeıtin bolady.
Olar sherý nemese saılaýshylarmen kezdesý ótkizip, úgit paraqshalaryn tarata almaıdy. Azamattar saılaýshylardyń jaılylyǵy úshin mundaı zańnama birqatar álem elderinde de engizilgen. Ortalyq saılaý komıtetiniń hatshysy Maııa Grıshına jumada tynyshtyq kúni úgit, saılaýǵa baılanysty lotoreıalar júrgizýge bolmaıtynyn eskertti.
Bul tyıymnyń Ortalyq saılaý komıteti men aımaqtyq komısıalardyń saılaýǵa qatysý týraly úgit jumysyna qatysy joq. Tynyshtyq kúninen keıin daýys berý kúni bastalady. Ol ýaqytta da úgit jumystaryn júrgizýge tyıym salynǵan. Tyıym 18 naýryz kúngi 21:00-ge deıin, Kalınıngrad oblysynyń eń sońǵy saılaý ýchaskesi jabylǵanǵa deıin kúshinde bolady.
