RF Ortalyq saılaý komısıasynyń hatshysy Maııa Grıshına RF OSK aqparattyq anyqtamalyq ortalyqqa kóptegen hakerlik shabýyldar jasalyp jatqanyn aıtty, dep habarlaıdy Qamshy.kz aqparat agenttigi QazAqparattyń deregin negizge ala otyryp.

«Qazirdiń ózinde aqparattyq anyqtamalyq ortalyqqa túsip jatqan kúsh birneshe ese artty deýge bolady, olardyń arasynda hakerlik shabýyldardy anyqtap jatyrmyz», - deıdi M. Grıshına. Komısıa hatshysy Ortsaılaýkomnyń saıtyna 15 elden shabýyl tirkelgenin aıtty.

RF Ortalyq saılaý komısıasynyń basshysy Ella Panfılovanyń sózine qaraǵanda, azamattar daýys berý tiziminen ózderiniń aty-jónin taba almaı jatqanyn aıtyp shaǵymdanýda. Olar turǵylyqty mekenjaılary boıynsha daýys berý týraly birneshe ret ótinish te jazyp úlgergen. Panfılova, sonymen qatar, birden artyq márte daýys berýge umtylǵan azamattar ákimshilik jáne qylmystyq jaýapqa tartylýy múmkin ekenin eskertti.