22 naýryz kúni «Qyzaı ana» qoǵamdyq qory Almaty oblysy, Talǵar aýdany, Óstemir aýylyndaǵy Qyzaı ana kóshesiniń boıynda jyldaǵy dástúr boıynsha keń dastarxan jaıyp, jyl basy Naýryz merekesin ótkizedi, dep jazady Qamshy.kz aqparat agenttigi.
Bıyl "Qyzaı ana" qoǵamdyq qory Tańjaryq Joldyulynyń 115 jyldyǵyna arnalǵan "Áıgili alty Alashqa jazǵan xatym" atty jyr músháırasyn ótkizgen. Osy kúngi merekede atalǵan músháıranyń jeńimpazdary marapattalyp, oqýshylar arasynda sporttyq jarystar ótedi.

"Qyzaı ana" qoǵamdyq qory men quryltaıshylary atynan otbasynda qıynshylyǵy bar, sabaqty úzdik oqıtyn stýdentter men oqýshylarǵa arnaıy stependıa taǵaıyndalady. Jınalǵan qaýymǵa merekelik dastarxan jaıylyp, QR óner juldyzdarynyń qatysýymen konserttik baǵdarlama qoıylady. 2018 jylǵy Naýryz merekesin ótkizýdi Muqataı Ábdolla, Mıatbek Dáýkenuly, Baqytjan Nurdynuly, Baqashar Raxymuly, Tólepbergen qatarly azamattar qolǵa alǵan.

Osy oraıda atalǵan azamattar men "Qyzaı ana" qoǵamdyq qorynyń atynan barsha Alash jurtyn, zıaly qaýym ókilderin, merekelik dastarxannyń qonaǵy bolýǵa shaqyramyz!

Aıta ketsek, "Qyzaı ana" qory uıymdastyrǵan Naýryz merekesi Óstemir aýylynda 7- ret óteıin dep tur. Buǵan deıin aýyl turǵyndaryna merekelik kóńil kúı syılaýmen qatar kóshelerin jasap, aýyldyń ınfraqurlymyn damytýǵa birqatar jumystar atqardy. Osy jyly Elbasynyń "Týǵan jerge týyńdy tik" baǵdarlamasy aıasynda Óstemir aýylynda "Qyzaı ana" saıabaǵyn salý josparlanǵan. Osyǵan oraı merekege qatysyp, aldaǵy sharalalarǵa qoldan kelgen kómekterińizdi kórsetýge shaqyramyz! 
Bastalýy: 22 naýryz 11:00