Sáýir jyly ári jaýyn-shashyndy bolady, dep habarlaıdy Qamshy.kz aqparat agenttigi «Qazgıdromet» RMK uzaq merzimdi aýa raıy boljamy basqaramasynyń basshysy Gúlmıra Aqysheva silteme jasap.
«Ásirese aıdyń birinshi jáne ekinshi onkúndiginde kún jyly ári jaýyn-shashyndy bolady. Sonymen qatar, sáýirde jyly jáne sýyq kúnder almakezek bolatyndyqtan qubylmaly kún raıy kútiledi.
Eń tómengi temperatýra birinshi onkúndiktiń sońyna qaraı bolady. Elimizdiń soltústik óńirlerinde aýanyń temperatýrasy túnde 5-15 gradýsqa, kúndiz 0-5 gradýsqa deıin tómendeıdi. Al elimizdiń ońtústik bóliginde aýanyń temperatýrasy túnde 5-10 gradýsqa deıin tómendeıdi. Sáýirdiń ortasy men úshinshi onkúndiktiń orta sheninde Ortalyq Azıadan keletin jyly aýa massalaryna baılanysty jyly kún raıy ornaıdy. Soltústik aımaqtarda aýa temperatýrasy 15-23 gradýsqa deıin joǵarylasa, ońtústikte 20-28 gradýsqa deıin jylynady. Biraq sáýir aıynda aýa-raıy áli de aldamshy bolǵandyqtan, bundaı jyly kúnder uzaqqa sozylmaıdy. Úshinshi onkúndiktiń basynda jáne sońyna qaraı kún raıy qaıtadan sýyta túsedi. Elimizdiń soltústik aımaqtarynda jaýyn-shashyndy bolady. Túnde aýanyń temperatýrasy 0-den tómen, kúndiz 5-15 jylylyqty kórsetedi. Al ońtústik óńirlerde ótkinshi jaýyn jaýyp, naızaǵaı kúrkireıdi. Aýanyń túngi temperatýrasy 5-10 gradýs jyly, kúndiz 15-20 deıin kóteriledi», - dedi Gúlmıra Aqysheva.
Mamyr jyly jáne jaýyn-shashyndy bolady dep kútilýde, tek respýblıkanyń ońtústik-batysynda, ońtústigi men ortalyǵynda jaýyn-shashyn normadan az túsedi.
Maýsym-shilde aılarynda respýblıkanyń batysy men ońtústigin qospaǵanda, jaýyn-shashynnyń normadan tómen bolýy kútilýde.
Tamyzda oblystardyń basym bóliginde, temperatýra 1...20S ystyq bolady. Respýblıkanyń batys bóligin qospaǵanda, aýa temperatýrasy normaǵa jaqyn bolady dep kútiledi. Tamyzda jaýyn-shashyn mólsheri normadan tómen, tek Soltústik Qazaqstan, Aqmola, Shyǵys Qazaqstannyń soltústiginde, Almaty oblysynyń taýly jáne taý bókteri aımaǵynda ǵana normaǵa jýyq bolady dep kútilýde.
Kúz mezgiliniń alǵashqy kúnderi uzaq merzimdi boljam boıynsha qolaıly, halyq kúntizbesinde «qońyr kúz» dep atalatyn aýa-raıy kútilýde.
Pikir qaldyrý