Meksıkalyq Saýl Alvarestiń múddesine ókildik etetin Golden Boy promoýterlik kompanıasynyń prezıdenti Erık Gomes Gennadıı Golovkınniń pikirine jaýap berdi, dep jazady Sports.kz.

Gennadıı 16 qyrkúıek kúni ótken alǵashqy jekpe-jekte onyń qarsylasy Saýl Alvarestiń tyıym salynǵan zattardan «taza» bolǵanyna kúmán keltirgen. Qazaqstandyq boksshy sondaı-aq meksıkalyqtyń promoýteri, birneshe salmaq dárejesindegi álemniń burynǵy chempıony  Oskar de la Hoııany da dopıng qoldanýda aıyptaǵan bolatyn.

«Golovkın bul sózderdi óz-ózine senimsiz bolǵandyqtan jáne jekpe-jekten bas tartý maqsatynda aıtqan sıaqty. Eger ol judyryqtasqysy kelmese, solaı aıtsyn. Onyń aıtqan sózderi ótken aptada bildirgen pikirine qarama-qaıshy. Onyń «ıneksıa izderi» týraly jáne De la Hoııanyń atyna aıtylǵan pikirleri men ózge de málimdemelerine qaıran boldym. Bul - jala jabý jáne biz sáıkes sharalar qoldanamyz. Eki apta buryn Tom Lefflermen keremet kezdesý ótkizdik. Biraq, Tom Abel Sanchestiń ústinen qandaı da bir baqylaý júrgize almaıtyn sıaqty. Eger Gennadıı osyndaı nárseler aıtsa, demek ol jekpe-jekti ýaıymdap otyr. Eger ol judyryqtasqysy kelmese, barsha jurttyń aldynda sony aıtsyn», - dedi Erık Gomes Boxingscene.com-ge bergen suhbatynda.