Gennadıı Golovkın (37-0-1, 33 KO) men meksıkalyq «Kanelo» Alvarespen (49-1-2, 34 KO) ótýi tıis revansh 5 mamyrda ótpeıtin boldy. Bul týraly WBC prezıdenti Maýrısıo Sýleıman aıtty, dep jazady Qamshy.kz aqparat agenttigi SPORTINFORM málimetine súıenip.
— Meniń pikirimshe Golovkın men Alvares arasynda jekpe-jek bolmaıdy. Alvares isi boıynsha Nevadadaǵy tyńdalym 18 sáýirge kóshirildi. Sondyqtan jekpe-jektiń 5 mamyrda ótetinin kóz aldyma keltire almaımyn, — deıdi Sýleıman ESPN Deportes-ke bergen suhbatynda.
Eske sala ketsek, Saýl Alvares Nevada shtaty Atletıkalyq komısıasynyń (NSAC) sheshimimen ýaqytsha sporttan shettetilgen edi. Naýryzdyń basynda Saýl Alvaresten alynǵan dopıng-synamalardyń birinen tyıym salynǵan preparat tabyldy. Onyń múddesin qorǵaıtyn Golden Boy promoýterlik kompanıasy boksshynyń qan quramynan tyıym salynǵan preparat — Klenbýterol tabylǵany týraly aqparatty rastady.
