The Ring tilshisi Maık Koppındjer Gennadıı Golovkınniń (37-0-1, 33 KO) 5 mamyr kúni Las-Vegasta ýkraınalyq Sergeı Derevánchenkomen (12-0, 10 KO) ótkizetin jekpe-jegine qatysty pikir bildirdi, dep habarlaıdy Sports.kz.

— Menińshe, barlyǵy IBF uıymynyń mindetti qarsylas -Sergeıdiń mártebesine qatysty qandaı sheshim qabyldaıtynyna baılanysty. Eger olar osy jolǵy kezdesýdi ótkizýge májbúrlese, GGG onymen judyryqtasady. Eger olaı bolmasa, bálkim bul «Spaık» bolýy múmkin»,-dep jazady avtor Tvıtterde.

Aıta keteıik, ırlandıalyq boksshy Gerı «Spaık» O'Sallıvan (27-2, 19 KO) Golovkınmen judyryqtasqysy keletinin áleýmetik jeliler arqyly udaıy aıtyp otyrady. Áýelde, 5 mamyrda Golovkın Saýl Alvarespen (49-1-2, 34 KO) remach ótkizýi qajet bolǵan. Alaıda ol ózgertildi. Endi Gennadııdiń ózge qarsylaspen kezdesýi T-Mobile Arena-da emes MGM Grand-ta ótedi.