Memleket basshysy latyn álipbıin tez úırenýdiń jolyn aıtty.
«Álipbıdi eptep engizýimiz kerek. Men kúnde jańa álipbımen jazamyn. Abaıdyń sózderin jazyp otyramyn», - dedi Elbasy «Jańa gýmanıtarlyq bilim. Qazaq tilindegi jańa oqýlyq» jobasy aıasynda shyqqan alǵashqy oqýlyqtardyń tusaýkeserinde.
Buǵan qosa Nazarbaev mektepterde álipbıdiń jaqyn ýaqytta engiziletinin aıtty.
«Úırenip ketý qıynǵa soqpaıdy. Mektepte álipbıdi solaı úırendik qoı. Álipbıdiń enip ketýi óte tez bolady dep sanaımyn», - dedi Nazarbaev.
Aıta keteıik, memleket basshysy 2018 jyldyń aqpanynda latyn álipbıiniń jańa nusqasyn bekitti. Sońǵy bekigen nusqadaǵy álipbıde keıbir áripter dıakrıtıkalyq tańbamen belgilengen.
