Qazaqstan prezıdenti Nursultan Nazarbaev balalardyń tárbıesi jóninde pikir bildirdi, dep jazady Qamshy.kz aqparat agenttigi.

«Jańa gýmanıtarlyq bilim. Qazaq tilindegi jańa oqýlyq» jobasy aıasynda shyqqan alǵashqy oqýlyqtardyń tusaýkeserinde Elbasy tilderdi meńgerýdiń múmkindikterimen bólisti.

«Qansha til meńgerseń, sonshalyqty mádenıettisiń» degen bar. Al ol ońaı emes. Keı kezderi onsyz da qoldary bosamaı júrgen balalardy aıap ketesiń. Bizdiń ýaqyttaǵy balalardy oqytpaǵan. Ata-analardyń basty mindeti – ash qalmaý edi. Balany oılaıtyn shama bolǵan joq. Al qazir bári basqasha. Balalardy májbúrdeý kerek», - dedi Nursultan Nazarbaev.

Óz sózinde memleket basshysy nemis fılosofy Shopengaýredi úlgi retinde kórsetti.

«Eýropanyń uly ǵalymy bıografıasynda ózine tıesili dúnıeni jattamaǵany úshin ákesi úsh kún boıy ash qaldyrǵan. Uly kompozıtorlar da solaı tárbıelendi. Olar da bala kúninde qınalǵan shyǵar, esesine jemisin kórdi», - dedi Nazarbaev.

Buǵan qosa Nursultan Nazarbaev shet tilderdi meńgerýdiń artyqshylyqtarymen bólisti.

«Birneshe tildi bilgen adam úshin kez kelgen esik ashyq. Jańa qyzmetkerler izdep júrgen sheteldik kompanıalar kóp elimizde. Til bilmegen adamdy qalaı alady?», - dedi.

Balalardyń úsh tildi meńgerýi úshin elde túrli jaǵdaılardyń jasalǵanyn da eskerip ótti.

«Jaqsynyń bári tek balalar úshin. Shveısarıaǵa barsańyz, taksıshiniń ózi tórt tilde sóıleı alady. Sebebi onda aǵylshyn, nemis, fransýz jáne ıtalán tilderin bilý mindettelgen. Ári sol tilderdiń bári memlekettik bolyp sanalady. Túsinsizder me?», - dedi memleket basshysy.