Qazaqstan prezıdenti Nursultan Nazarbaev búgin Astanada ótken 100 jańa oqýlyqty tanystyrý sharasynda munaı baǵasyna qatysty pikir bildirdi.

«Bizde munaı bar, gaz bar, temir, qorǵasyn, sınk, altyn bar. Qudaıǵa shúkir, barlyǵy bar. Biraq baǵanyń qalaı ózgerip jatqanyn kórip júrsizder me? Munyń barlyǵy bırjalyq taýarlar. Byltyr munaı baǵasy barreline 140 dollarǵa jetti, keıin 30 dollarǵa túsip, qazir 50-60 dollar bolyp tur. Al erteń ne bolatynyn bilmeımiz», — dedi memleket basshysy.

Buǵan qosa Elbasy memleketke jetispeı jatqan mamandardy atady.

«Qatparly gaz, balama energetıka damyp jatyr, sondyqtan bizge basqa ekonomıka qajet. Alty jylda biz 1 200 kásiporyn saldyq — bul kadrlardyń basqa deńgeıi, basqa jalaqy, basqa adamdar degen sóz: tehnıkter, ınjenerler. Osy mamandar bizge jetpeı jatyr», — dedi Prezıdent.