QR SİM basyshysynyń orynbasary Erjan Áshikbaev reseılik jýrnalıs ári telejúrgizýshi Vladımır Solovevtiń Qazaqstan men Reseıdiń ara-qatynasy týraly aıtqanyna qatysty pikir bildirdi. Bul týraly Qamshy.kz aqparat agenttigi tengrinews.kz portalyna silteme jasap habarlady.

«Mundaı aqpardy estidik. Sońǵy ýaqyttarda bizge kórshiles, dostyq qatynastaǵy memleket tarapynan osyndaı pikirler aıtylyp júr. Aldymen biz RF memlekettik organdarynyń resmı málimdemesine nazar aýdaramyz. Memleket basshysy Nazarbaev pen RF prezıdenti Pýtın arasyndaǵy kelissózderdiń nátıjesi bárimizge  belgili. Biz úkimet deńgeıinde senimdi, syndarly dıalog ornattyq. Sol sebepti aldymen resmı pozısıaǵa nazar aýdaramyz», - dedi Erjan Áshikbaev Úkimet úıinde jýrnalıserdiń suraǵyna jaýap berý barysynda.

«Qoǵam belsendileri men sarapshylardyń osy saryndas pikirleri eki el arasyndaǵy dostyq qarym-qatynasqa nuqsan keltirmes úshin ádettegideı sharalar qoldanatyn bolamyz», - dedi SİM basshysynyń orynbasary.

Aıta keteıik, «Rossıa» arnasynyń júrgizýshisi Vladımır Solovev tikeleı efır barysynda BUU Qaýipsizdik keńesindegi otyrysta Qazaqstannyń saılaýǵa qatysýy týraly aıtqan: «Qazaqstan men Reseıdiń arasynan qara mysyq ótken be? Qazaqstanmen aramyzdaǵy baılanys jaıly bilmeıtinimiz bar sekildi. Biz Qazaqstandy da Nursultan Ábishulyn da erekshe syılaımyz. Biraq osyndaı syn sátterde ne bolyp, ne qoıǵanyn túsingimiz keledi», - degen edi Solovev.