Qaırat Nurtas, Serik Sapıev jáne Ádil Ahmetov ózderiniń qabiletterin kórsetti.

Shoý-bıznes, kıno jáne sport juldyzdary Mádenıet jáne sport mınıstri Arystanbek Muhamedıulynyń bastamasymen uıymdastyrylǵan «Street Workout KZ» aksıasyna qatysty, dep habarlaıdy Qamshy.kz aqparat agenttigi.

Bul bastamanyń maqsaty – buqaralyq sportty Qazaqstanda taratý. Street Workout – bul kóshedegi jappaı sporttyń qarqyndy damyp kele jatqan túri bolyp tabylady. Arnaıy tehnıkany talap etpeıdi: barlyǵy qarapaıym, ol úshin kóshedegi týrnıkter men arqandar jetkilikti.

Jobanyń negizgi syılyǵy – konkýrstyń jeńimpazy atanǵan aımaq Street Workout-pen aınalysý úshin jańa alańǵa ıe bolady. Ol úshin baıqaýdyń sharttaryn oryndaý qajet. Sharttary da óte qarapaıym, qazaqstandyqtar jattyǵý beınelerin jelilerde bólisse jetkilikti. Baıqaý jaıly tolyǵyraq  Challenge Street Workout  KZ veb-saıtynan bile alasyzdar.

Arystanbek Muhamedıuly jobany ózi bastap, «Street Workout KZ» baıqaýyn – Olımpıada chempıony Serik Sápıevke, tanymal ánshi Qaırat Nurtasqa, tanymal qazaqstandyq akter Ádil Ahmetovqa joldady.

«Challenge Street Workout KZ» jobasyn bastap – alǵashqy qatysýshylary retinde «Alǵa, Qazaqstan, Jasa, Qazaqstan!» dep qazaqstandyqtarǵa úndeý tastady.

Baıqaýǵa qatysyp júldeli bolýǵa asyǵyńyz! Ony Street Workout-tyń arnaıy alańynda jasaý mindetti emes, kez-kelgen jerden ózińizdiń beınelerińizdi túsirip, ózińizge yńǵaıly alańnan bizge joldańyz! Beıneni áýesqoılyq jáne turaqty kamera telefonynan da túsirýge bolady.

Konkýrs 10 maýsymǵa deıin ótkiziledi, 15 maýsym kúni qorytyndysy jarıalanatyn bolady.

Sonymen qatar, beınetaspany «Challenge Street Workout KZ» jobasynyń saıtynda ornalastyrýǵa bolady.

Joldamany qabyl al! Challenge Street Workout  KZ baıqaýyna qatys!