«SCAT» áýekompanıasyna tıesili An-24 UP-AN41nómirli ushaǵy ushyp-qoný jolaǵynan aýytqyp ketti -, dep habarlaıdy Tengrinews.kz saıtynyń tilshisi áýekompanıanyń baspasóz qyzmetine silteme jasap. Oqıǵa 7 aqpan kúni saǵat 00:25-te oryn alǵan. Reıs nómiri DV №766 , Taraz-Almaty baǵytynda jolaýshylar tasymaldap kele jatqan ushaq bortynda 24 adam, 20jolaýshy (onyń ekeýi kámelet jasyna tolmaǵan jasópirim), 4 ekıpaj qyzmetkeri bolǵan. Abyroı bolǵanda zardap shekkender joq jáne kólikke zaqym kelmegen. Qozǵaltyqysh sóngennen keıin áýejaı turaǵyna súırep aparylǵan. Ortalyqtyń aqparat qyzmetiniń aıtýy boıynsha jolaýshylardyń barlyǵy ushaq qonǵan boıda kómek kórsetilgen. Atalmysh oqıǵaǵa qatysty Almaty áýejaıynda reısterdiń keshiktirilýi jáne taǵy da basqa máseleler týyndamaǵan. Ushaq Taraz-Almaty baǵytynda únemi qatynap júrgenimen, mundaı oqıǵa jyl basynan beri ekinshi ret oryn alyp otyr. Oqıǵa ornynda bolǵan azamattardyń aıtýynsha, qoný barysynda ushaq qajetti traektorıadan aýytqyp, qanatymen súrine jazdaǵan. Apatqa ushyraý barysynda bortta bolǵan jolaýshynyń aıtýyna qaraǵanda, shaıqalý barysynda stúard salon ishinen ushyp ketken, al qaýipsizdik beldigin taqpaǵan jolaýshylar óz oryndarynan qulap ketken. Atalǵan is boıynsha, qylmystyq is qozǵalyp, qazir tergeý amaldary júrgizilip jatyr.   «Qamshy» silteıdi:     www.tengrinews.kz