QR Úkimetiniń Qaýlysymen Dana Beısenqyzy Júnisova ulttyq ekonomıka vıse-mınıstri qyzmetine taǵaıyndaldy. Buǵan deıin vıse-mınıstr laýazymynda Baýyrjan Bekeshev bolǵan edi, ol basqa jumysqa aýysýyna oraı qyzmetinen bosatyldy, dep habarlaıdy Qamshy.kz aqparat agenttigi QR premer-mınıstrdiń baspasóz qyzmetine silteme jasap.

Dana Júnisova 1985 jyly mamyr aıynda Selınograd qalasynda dúnıege kelgen. 2006 jyly T. Rysqulov atyndaǵy Qazaq ekonomıkalyq ýnıversıtetin támamdaǵan. Mamandyǵy boıynsha — ekonomıs.

Eńbek jolyn 2003 jyly bastaǵan.

2003–2011 jyldary «QTJ» UK» AQ, «Astana–Fınans» AQ, «2011 jylǵy 7-qysqy Azıa oıyndaryn uıymdastyrý komıtetiniń atqarýshy dıreksıasy» AQ jumys istegen.

2012–2013 jyldary — «Qulager QK» JSHS Jobalardy basqarý departamentiniń menedjeri, «Atameken» Odaǵy» QUEP Tarıf qalyptastyrý departamenti dırektorynyń orynbasary.

2013 jylǵy qazan aıynan bastap qazirgi tańǵa deıin «Atameken» QR UKP Basqarma Tóraǵasynyń orynbasary qyzmetin atqarǵan.