Qazaqstandyq boksshy, Rıo Olımpıadasynyń chempıony Danıar Eleýsinovkásipqoı bokstaǵy qadamyn sátti bastady. Nú-Iorkte ótken alǵashqy jekpe-jeginde amerıkalyq boksshy Noa Kıdti nokaýtpen jeńdi, dep habarlaıdy vesti.kz.

Jartylaı orta salmaqta judyryqtasqan boksshylardyń jekpe-jegi 6 raýndqa josparlanǵan edi. Danıar qarsylasyn 3 raýndta-aq tehnıkalyq nokaýtpen jeńip shyqty.



22 jastaǵy Noa Kıd kásipqoı bokstaǵy mansabynda alǵash ret jeńildi. Osyǵan deıin 4 jekpe-jek ótkizip, 3 ret jeńiske jetken. 1 kezdesýin teń aıaqtaǵan.

Danıar Eleýsinov kásipqoı boksqa túbegeıli naýryz aıynyń basynda aýysty. Oǵan deıin bir ret barýǵa bel býǵanmen, reti kelmegen edi. Ulybrıtanıalyq promoýter Eddı Hırnmen úshjyldyq kelisimshartqa qol qoıyp, kásipqoı bokstaǵy mansabyna jol ashyldy.

Qazirgi tańda Eddı Hırn basqaratyn kompanıa quramynda asa aýyr salmaqta WBA Super, IBF jáne IBO chempıondyq ataqtaryna ıe Entonı Djoshýa bar. Sondaı-aq brıtandyq promoýter Raıan Barnett (18-0, 9 KO) (WBA Super jáne IBF), Djeımı Makdonnell (29-2-1, 13 KO) (WBA), Halıd Iafaı (23-0, 14 KO) (WBA Super), Kell Brýk (37-2, 26 KO), Denıel Djeıkobs (33-2, 29 KO) syndy boksshylarmen jumys jasaıdy.

Danıar Eleýsinov sharshy alańǵa shyqqan boks keshiniń basty jekpe-jeginde amerıkalyq boksshy Denıel Djeıkobs pen polák Maseı Sýleskııjudyryqtasady.