Qazaqstannyń týmasy Dımash Nıazov (13-0-3, 6 KO) kásipqoı bokstaǵy kezekti kezdesýin ótkizdi, dep habarlaıdy Qazaqparat.

NúIorkte Barclays Center arenasynda Denıel Djeıkobs (33-2, 29 KO) - Maseı Sýleskıdiń (26-0, 10 KO) boks keshiniń aıasynda ol meksıkalyq Anhel Sarınamen (7-7-2, 3 KO) kezdesti. Jeńil salmaqta 6 raýndqa sozylǵan jekpe-jek Sarınanyń jeńisimen aıaqtaldy. Tóreshiler 59-52, 59-53, 58-54 esebimen jeńisti biraýyzdan meksıkalyqqa berdi. Bul Dımash úshin kásibı bokstaǵy 8-shi kezdesý bolatyn jáne Nıazov osy joly alǵash ret jeńildi.

Osy rette Dımashtyń 5-shi raýndta nokdaýnda bolǵandyǵyn aıta ketý kerek.

Osyǵan deıin tilshilerge bergen suhbatynda qazaqstandyq: «Men jarqyn jeńisterimdi odan ári de jalǵastyra bergim keledi. Maǵan ózimniń ataq-dańqymdy álemge aıqyndaý úshin úlken alań kerek. Aldyda men úlken ister kútip tur»,-degen bolatyn.