Búgin Vladımır Pýtınniń ınaýgýrasıasy ótti. Ol 4-shi ret Reseı prezıdenti bolyp saılandy. Kelesi prezıdenttik saılaý 6 jyldan keıin ótedi, dep jazady Qamshy.kz aqparat agenttigi. 

Vladımır Pýtın ınaýgýrasıa kezinde halyq ıgiligi úshin qyzmet etýge ýáde berdi.

«Reseı prezıdenti qyzmetine taǵaıyndalǵan osy mınýttarda árqaısylaryńyz úshin, kóp ultty halyq úshin, ata-babalarymyz, Reseı aldynda moınyma úlken jaýapkershilik artylyp otyrǵanyn erekshe sezinip otyrmyn» dedi Vladımır Pýtın.

Pýtınniń ınaýgýrasıasy Kreml saraıynda ótti.

Aıta keteıik, prezıdenttik saılaý 2018 jyly 18 naýryzda ótti. Saılaýǵa kelgenderdiń paıyzdyq kórsetkishi -  67,54. Vladımır Pýtın  76,69 paıyzben saılaýda jeńiske jetti. Ortalyq saılaý komısıasynyń málimetinshe, Pýtınge  56,4 mıllıon saılaýshy daýys bergen.