Qazaqstan prezıdenti Nursultan Nazarbaev Nıkol Pashınándy Armenıa premer-mınıstri qyzmetine saılanýymen quttyqtap, jedelhat joldaǵan. Bul týraly Aqorda baspasóz qyzmeti habarlady.

Jedelhatta Nazarbaev Armenıanyń jańa úkimet jetekshisi halqynyń áleýmettik "ál-aýqatyn arttyratyn saıasatty jalǵastyrady" dep senetinin bildirgen.

"Qazaqstan men Armenıa arasyndaǵy dostyq pen ózara túsinistik qatynastar eki eldiń ózara yqpaldastyǵyn dástúrli seriktestik rýhynda keńeıte túsý úshin jáne halyqtarymyzdyń ıgiligi jolynda aldaǵy ýaqytta da berik negiz bola beredi dep senemin", – delingen quttyqtaý jedelhatynda.

Aıta keteıik, Armenıa parlamenti opozısıa lıderi, "Elk" partıasynyń jetekshisi Nıkol Pashınándy el premer-mınıstri etip saılady.  Pashınán úkimet basshlyǵyna sáýirdiń ortasynan beri jalǵasqan jappaı sherýden keıin kelip otyr. Halyq qatarynan eki merzim el prezıdenti bolǵan Respýblıkalyq partıa lıderi Serj Sargsán premer-mınıstr bolyp saılanýyna qarsy shyqqan. Úkimetke qarsy halyqtyń jappaı narazylyǵynan keıin otstavkaǵa ketken edi.