Oblystyq mádenıet jáne tilderdi damytý basqarmasynyń uıymdastyrýymen aǵymdaǵy jyldyń 10-14 mamyr kúnderi aralyǵynda Qazaqstandaǵy Ózbekstan Respýblıkasynyń jylyna oraı Ózbek ulttyq akademıalyq drama teatrynyń Ońtústik Qazaqstan oblysynda gastróldik issapary bastaý aldy. Atalǵan jyl aıasynda óńirimizge kelgen ózbekstandyq óner ujymy Ońtústik Qazaqstan oblystyq orys drama teatrynda Erkın Hýshvaqtovtyń «Kóńil» komedıasyn sahnalady.
Qos eldiń mádenı baılanysyn nyǵaıtýǵa arnalǵan sharanyń ashylý saltanatyna Ońtústik Qazaqstan oblysy ákiminiń orynbasary Sádibekov Ulasbek Sádibekuly qatysyp, oblys basshysy Túımebaev Janseıit Qanseıitulynyń arnaıy quttyqtaýyn jetkizip, izgi nıetin bildirdi.
Osy oraıda, Ózbek ulttyq akademıalyq drama teatrynyń dırektory, Ózbekstan Respýblıkasyna qyzmet kórsetken ártis, «Mehmat-SHýhrat» ordeniniń ıegeri Masýdov Fathýlla Hýsanuly da kórshi elder arasyndaǵy baılanys pen mádenı qarym-qatynastyń beriktigin sóz etti.
Sharaǵa óńirimizdegi mádenıet jáne óner mekemeleriniń basshylary men qyzmetkerleri, buqaralyq aqparat quraldary qatysty.
Erkın Hýshvaqtovtyń «Kóńil» komedıasy 12 mamyr kúni saǵat 16:00-de Saıram aýdany, Qarabulaq aýyldyq mádenıet úıinde jalǵasyp, 13 mamyr kúni saǵat 16:00-de J.Shanın atyndaǵy oblystyq akademıalyq qazaq drama teatrynda gastróldiń saltanatty jabylýymen qorytyndylanady.
