Júzdegen adam tań erteń Grýzıanyń parlament ǵımaratynyń aldyna jınaldy, dep habarlaıdy Qamshy.kz aqparat agenttigi.

Bir top adam Grýzıanyń ishki ister mınıstrligi Tbılısıdegi adam kóp keletin túngi klýbtarda júrgizgen arnaıy operasıasyna narazylyqtaryn bildirdi.

Mıtıń ótip jatqan jerdi polısıa qorshaýǵa aldy. Polısıa aksıaǵa qatysýshylardy ustap jatyr. Polısıa bólimshesine jetkizilgenderdiń biri – Grýzıanyń prezıdenttik saılaýyna túsýge nıetti ekenin aıtqan «Gırchı – jańa saıası orta» partıasynyń basshysy Zýrab Djaparıdze.

Túnde túngi klýbta júrgizilgen arnaıy operasıanyń nátıjesinde 35 adam ustalǵan. Olardyń arasynda AQSH pen Brıtanıa azamattary bar. Arnaıy operasıa esirtki saýdalaıtyndardy ustaý maqsatynda júrgizilgen. Túngi birde "Bascıanı" (Bassiani)  jáne "Galerı" klýbtarynda arnaıy operasıa júrgizilgen.

Polısıanyń málimetinshe, arnaıy operasıa sot sheshimine sáıkes júrgizildi. Sonyń nátıjesinde esirtki saýdasymen aınalysqan 8 adam ustaldy.

Klýb qonaqtary polısıanyń áreketine qarsy shyǵyp, polısıany balaǵattaǵan. Olardyń jartysyn polısıa ustady. Olardyń arasynda "Bascıanı" klýbynyń ıesi Zvıad Gelbahıanı de bar ekeni anyqtaldy.

Klýbta satylǵan esirtkiden 5 adam qaıtys bolǵan. Segiz adam aýrýhanaǵa túsken. Grýzıanyń İİM áli saraptama nátıjesin jarıalamady.