Bıigirek qoıǵyzyp basty esimin, Sol jolda talaı adam baz keshti muń. Kereı men Jánibektiń qadamymen Qazaq eli dúnıeniń ashty esigin.   Nyq turǵyzyp qalady qabyrǵasyn, Dep tiledi: «jolynan jańylmasyn» Uly qadam bastaǵan Qazaq degen - Shańyraqtyń astyna baq ornasyn.   Tarıhtyń túkpirine ene almaspyn, Sebebi, kóp kórmegen eren jaspyn, Biraq tula boıymdy qyzýlatqan Babamnyń qanymenen men almastym.   Turatuǵyn ishime syımaı dáıim, Estigenim, bilgenim eldiń jáıin. Naızasymen aqynnyń aq paraqty Túıgenimniń túkpirinen shımaılaıyn.   Qansha ǵasyr? Qansha handyq jaılatyp eń, Qansha jaýdy qorqytty aıbatymen?! Qansha batyr ketti tarıh túkpirine Qazaq týyn degender aıǵa tigem.   Kórdi qazaq satqyndyq, taǵy ýaıym, Biraq degen emes ed baǵynaıyn, El baǵyna týyldy qorǵanyshyń Aq kilemmen kótergen Abylaıyń.   Basyn kesip qalmaqtyń qarasynyń, Kórdi kúshin qazaqtyń balasynyń. Elim degen júrektiń dúrsilimen Búıirinen búk túsken dara asyǵym.   Danalyqpen baǵyttaǵan óz kemesi, Barsha qazaq pir tutqan shejiresi, Qazbek bı, Áıteke bı, Tóle bıi – Aqylshy, sóz tóresi.   Darhan dala, aınymas kıeli qum, Barlyǵy onyń ózińniń ıeligiń. Asan qaıǵy izdep ótken óz elimniń Ár túkpiri - jeruıyǵym.   Meniń babam orynsyz soqtyqpaǵan, Soqtyqqandy eshqashan zor tutpaǵan. Arystannyń aıbatynan jasqanǵandaı Basar bolar soqtyqqan qorqyp qadam.   Kórshisiniń bar edi óz dámesi, Kózdegeni boldy ǵoı bezgen esi, Qyzǵyshtaıyn qorydy Jer Anasyn – Alaqanda bar edi ózge nesi ?!   Tarıh betin toltyrǵan kóterilis, Talas, shaıqas, jer úshin beter bir is, Árbir jota sen basqan qanmen kelgen Batyr baba jan qıǵan. Óteýi  kúsh.   Ǵasyrlardyń shaýyp ótip shekpenin, Jańa ǵasyr. Jańa ómirge bettediń. Jańa qoǵam aspanynan tóngen kep Sol jyldardan ishte qaldy ókpe, muń.   Qalap alyp Alashymnyń ordasyn, Degen edi  Táńir ózi qoldasyn. Bılik ketip bıleýshiniń qolynda Túsken ediń qalys basyp orǵa shyn.   Qol astyna kirip qoldy orystyń, Suraýy joq: Basshysy kim? Bolys kim? Oıladyń ba, namysyńdy qazaǵym?! Jer aldynda, babasyna boryshtym.   Osy shyǵar bolǵany osal isi, Týdy biraq namysty qosar kisi Uıqydaǵy uly eldi oıatqan kep Alashymnyń ardaqty bes arysy.   Maǵjan, Ahmet, Mirjaqyp Dýlatovtar Basshylyqty alǵandy shýlatyp sál, Qarańǵyda jaǵylǵan  shamdaı bolyp Elge sáýle shashqandy týra qyp dál.   Talaı arys baǵyttady kóshti qamdaı, Nadan halyq edi ǵoı ash bir ańdaı. Namys kernep, el úshin qurban bolǵan Talaı sáýle, talaı juldyz óshti janbaı.   Qaıran  erler ózderińe baǵa  barma! Uqsap týǵan edińder dara narǵa. Qarańǵydan shyǵaryp qaıran eldi Til tóresin tanytty qaralarǵa.   Jyldar ketip, zymyrady qustaı tym, Tózim bitti. Namys kernep kúshi aıqyn. Shyqty alańǵa jastaryń, Jetti ýaqyt - Óz bıligin óz qolyna ustaıtyn.   Kezi ketti shydap endi baǵynar, Jastar shyqty babasynyń qany bar. Basqarsyn dep qazaq ózi qazaqty Kerek emes taǵysyn ol taǵylar.   Ozbyr orys oǵan kelip kılikti, Bermeımiz dep biz senderge bılikti. Qyrshyn jasty muzdaı sýmen atqylap, Ólimshi etti jastaryńdy keı tipti.   Qaıran aǵa, baryp ediń er iske, Qaıran apa, otqa túsken perishte, Judyryqtaı júrekteri «el» degen Soǵar máńgi. Berispe!   Qazaq seniń bir basyńda kóp qaıǵyń, Oılap ony mende taǵat tappaımyn. Janyn qıǵan jeltoqsannyń jastary - Men olardy áli kúnge joqtaımyn.   Qaırat, Erbol, Sábırasy, darasy, Bálkim baǵy, Bálkim ketpes jarasy, Erkindiktiń esten ketpes erleri, Orny bólek. Bólek taǵdyr baǵasy.   Erlik qalyp tarıhtyń betterinde, Kórer kózge qasiret,  shekpediń ne?! Egemendi el atandyń kúni búgin Eńselenip, aldyǵa bettediń de.   Bolashaqqa bastadyń jas tarmaqty, Umytpaǵyn arttaǵy baspaldaqty, Tarıhyń men búginiń túgeldense Bolaryńa senemin asqar naqty.   Tiliń - tirek, diniń - júrek ımany, Elińe saı Elbasyńdy syılady, Nurly jolyn Nur atamnyń baǵdar qyp, Basta joldy. Kóz jasyńdy tyı daǵy.   Sen úshin jas balańnyń márt óleńi, Sen úshin jaqsy tilek ár degeni, Táýelsizdik tóresi – Qazaq eli Máńgilik el mártebeli.   Qazaq aty bıiktikpen qos uǵym, Máńgi dýman terbetetin besigim. Alǵy orynda bastaýy bop júrgeısiń Qazaq eli – álem eli kóshiniń!   Sabırov Azat – 1997 jyly Atyraý oblysy, Mahambet aýdany, Ortaqshyl selosynda dúnıege kelgen. Respýblıkalyq, oblystyq, aýdanydyq músháıralardyń jeńimpazy. Qazirge kezde Qosaral orta mektebiniń 10 synyp oqýshysy.