Qazaǵym, uly dala ór elim, Júreginen jyr arnady óreniń. Sen degende alpys eki tamyrym, Janǵa syımaı mazalaıdy júregin. Asyl bıim, jyrshy, jyraý, shesheshim, Tarqatqan ǵoı óleń jyrmen muń sherin. Júrekten jyr, sezimnen syr ushyryp, Babalardyń oıyp jazam órnegin. Tarıh tóri keshegi ótken kúnderiń, Ańyz búgin alystan jetken únderiń. Sol ańyzdy tiriltemin urpaqqa, Men jyrshymyn, qudiretti men jyrmyn. Qazaǵym kórdi taǵdyr azabyn, Qanyn tókti qaıran baba alashym. Ór namysyn bıik ustap kótergen, Darhan elim, qasıetti ǵajabym. Bolat penen Baraqtardyń urpaǵy, Qazaǵymnyń qalyqpan qus qyrany. Uly hanym Kereı menen Jánibek, Jany qazaq «alash» boldy urany. Bıik samǵap, Shý jaǵalap tý tikti, Ańsaǵan jurt bostandyq pen eldikti. Taǵdyry bir, maqsaty bir uly elim, Bir shańyraq sheńberine birikti. Hám báıterek tamyr jaıyp gúldendi, Ótkizip talaı qıan-keski kúnderdi. - Uly elime jiberip nebir dúmsheńdi, Eı zulymdyq, jappa qara perdeńdi! Áz elimniń has erleri kúresti, At ústinde ǵadaýat qylyp kún keshti. Qazaǵymnyń ulylyǵyn jyrlaǵan, Júregimnen tom-tom bolǵan jyrdy esti. Qaıran soǵys qaldyrdy qur sildeńdi, Qara perde tumshalap ketip erteńdi. Eı alashym urandatar kún týdy! Ashshy qane jumýly qalǵan kúlteńdi. Bes júz elý jyl ótipti arada, Asyr salyp ótkenniń izi sanamda. Qamalyp jatyr qyran oıym usha almaı, Qulpy berik tarıh salǵan qamalda. Ýa alashym, qutty bolsyn eldigiń, Tarqamasyn, buzylmasyn birligiń. Maqtanamyn alashym dep urandap, Urpaǵymyn qazaq degen uly eldiń! Beısenǵazıev Nurdáýlet