Qostanaıda týberkýlez dıspanseri aýmaǵynda qoqys jáshiginen jańa týǵan sábı tabyldy, dep habarlady alau.kz.
Jedel járdem dárigerleri men polıseıler oqıǵa ornyna shuǵyl keldi.
Balany jedel járdem kóligi oblystyq aýrýhanaǵa jetkizdi.
Bul aqparatty Qostanaı oblysy densaýlyq saqtaý basqarmasynyń qoǵammen baılanys menedjeri Ksenıa Jylqybaeva rastady.
"Jedel járdem oblystyq balalar aýrýhanasyna jetkizdi. Bala tiri, alaıda jaǵdaıy óte aýyr. Komada. Ol jan saqtaý bóliminde jatyr. Dárigerler onyń ómiri úshin kúresýde", – dedi Ksenıa Jylqybaeva.
Qazirgi ýaqytta dárigerler hal ústinde jatqan balany aman alyp qalýǵa kúsh salyp jatyr.
