QR Aqparat jáne komýnıkasıa mınıstri Dáýren Abaev XV Eýrazıa medıa forýmynyń ashylýynda sóz sóılep, forým qatysýshylaryna Memleket basshysy Nursultan Nazarbaevtyń quttyqtaý hatyn oqyp berdi, dep habarlaıdy Qamshy.kz aqparat agenttigi.
Elbasynyń quttyqtaý hatynda forýmnyń jyl saıyn medıa salasynyń bilikti mamandaryn jınap, eń ózekti máselerdi talqylaıtyny aıtylǵan.
«Úzdiksiz ózgerip jatqan álemde buqaralyq aqparat quraldary ǵalamdyq shıelenistiń aldyn alyp, jaǵdaıdy qalpyna keltiretin taptyrmas qural. Mundaıda jýrnalıserdiń jaýapkershiligi artady ári mindeti mańyzdy sanalady. Klasıkalyq jýrnalıserge degen senimniń joqtyǵy búgingi BAQ-tyń basty qateri. Búginde qoǵam balama aqparat kózderi blogerler men áleýmettik jeliden kerekti jańalyǵyn oqýdy jón kóredi. BAQ-tyń básekege qabilettiligi jýrnalısiń sapaly kontenti men kásibıliginen kórinedi. Tekserlip, naqty faktilermen berilgen kez kelgen aqparat oqyrmanǵa ótimdi. Sol sebepti osyndaı dıalog alańdaryn qurýdyń mańyzy zor», - delingen prezıdenttiń quttyqtaýynda.
Memleket basshysynyń aıtýynsha, jýrnalıs – etıka men adamgershilik qasıetterdi ushtastyra biletin maman.
Aıta keteıik, búgin Almatyda Eýrazıa medıa forým bastaldy. Forýmǵa 6000-nan astam sheteldik delegat kelgen.
