22, 23 mamyra Bishkek qalasynda QR Din isteri jáne azamattyq qoǵam mınıstrligi Jastar saıasaty departamentiniń dırektory Asqat Oralov bastaǵan qazaqstandyq delegasıa Ortalyq Azıa elderi jastarynyń forýmyna qatysty, dep habarlaıdy Qamshy.kz aqparat agenttigi.
Delegasıa quramynda «Jastar» ǵylymı-zertteý ortalyǵynyń dırektory T. Qalıev, Qazaqstan stýdentteri Alánsynyń tóraǵasy İ. Tústikbaev, Jastar iskerlik keńesiniń jetekshisi Q. Sahmetov bar.
Forým jumysyna Ortalyq Azıa elderiniń, atap aıtqanda, Tájikstan, Túrkmenstan, Ózbekstan, Kyrǵyzstan, Qazaqstannyń jastar saıasaty salasyndaǵy memlekettik organdardyń ókilderi men jastar uıymdarynyń basshylary qatysty.
Forým qatysýshylary BUU Qaýipsizdik Keńesiniń «Jastar, beıbitshilik jáne qaýipsizdik» 2250 Rezolúsıasyn jáne beıbitshilikti turaqty saqtaýdaǵy jastardyń rólin kúsheıtý máselelerin talqylady.
Jastar saıasaty departamentiniń dırektory A. Oralov óz baıandamasynda Forým qatysýshylaryn Qazaqstandaǵy memlekettik jastar saıasatynyń júzege asyrylý barysymen tanystyrdy.
«Jastarmen júıeli jumys «Memlekettik jastar saıasatynyń 2020 jylǵa deıingi tujyrymdamasy» negizinde júzege asyrylýda. Mınıstrlik janynda «Jastar» ǵylymı-zertteý ortalyǵy qyzmet etedi. Barlyq óńirlerde jastarmen adresti jumysty júrgizý maqsatynda 208 jastar resýrstyq ortalyqtary jumys isteýde. 500 astam jastar ÚEU belsendi qyzmet etýde. Mınıstrliktiń bastamasymen ár óńirde jastardyń bos ýaqytyn uıymdastyrý boıynsha 2020 jylǵa deıingi josparlardyń júzege asyrylýy bastaldy. Onda jastar ınfraqurylymyn damytý jáne memlekettik-jekemenshik áriptestikti tartýǵa asa kóńil bólingen», - dedi A. Oralov.
Asqat Oralov jastardyń múmkindikterin keńeıtýge baǵyttalǵan áleýmettik jobalardy damytýda jastardyń margınaldanýynyń aldyn alý jáne olardy áleýmettendirýge baǵyttalǵan is-sharalardyń mańyzdylyǵyn atady.
Sonymen qatar, A. Oralov Ortalyq Azıa elderiniń ókilderin aǵymdaǵy jyly qazan aıynda Astana qalasynda ótetin «Jastarǵa ınvestısıa» halyqaralyq konferensıasyna shaqyrdy.
Forým qorytyndysy boıynsha usynymdar qabyldanyp, Ortalyq Azıa elderinde BUU Qaýipsizdik Keńesiniń 2250 Rezolúsıasyn júzege asyrýǵa arnalǵan is-qımyl jospary ázirlendi.
