Qazaq baspasózi taǵy bir jańa basylymmen tolyqty. Aqpan aıynyń 14 kúninen bastap Shymkentten respýblıkaǵa taraıtyn «Jebe» gazeti shyǵa bastady. Jańa basylym ulttyq hám túrkilik baǵytty ustanýdy kózdep otyrǵan jaıy bar. Turaqty avtorlary da joq emes. «Jebe» gazeti jurtshylyqty ońtústik óńiriniń tynys-tirshiliginen habardar etýmen qatar, respýblıka kólemindegi taqyryptardy da kóteretin bolady. Basylymnyń bas redaktory - Zahardın Qystaýbaev. Jańa gazet halyqaralyq deńgeıdegi aqparattarǵa reseılikterdiń kózimen emes, ózge qyrynan qaraýdy maqsat tutady. Sonymen birge túrki tektes elderdegi jańalyqtarǵa nazar aýdarmaq nıette. Sondaı-aq, belgili ǵalymdar Amangeldi Aıtaly, Tursyn Jurtbaı syndy azamattar turaqty túrde jeke aıdar júrgizetin bolady. Qysqasy, jańa basylymnyń maqsaty bıik. http://www.inform.kz