Qazaqstanda memlekettik saıası qyzmetshiler sany 8 esege azaıady. Bul týraly búgin Astanada ótken Memlekettik qyzmet isteri agenttigi janyndaǵy memlekettik qyzmetti jetildirý máseleleri jónindegi saraptamalyq keńestiń toǵyzynshy otyrysynda aıtyldy.Jıyn barysynda Agenttiktiń tóraǵasy Álıhan Báımenov 26 naýryzda QR-da memlekettik qyzmettiń jańa modeli jumys jasaıtyndyǵyn aıtty. Bul rette Memlekettik qyzmet týraly Zańǵa ózgerister engiziletin bolady. «- Biz Zańǵa enetin ózgeristerdiń negizgi qaǵıdattaryn ótken segiz basqosýda talqyladyq. Memlekettik qyzmetti jetildirý úshin Zańǵa ózgeristerdiń engizilgeni durys. Sebebi qazir keıbir basshylar qyzmetin aýystyrǵanda izinen óziniń «komandasyn» jınaıdy, ekinshiden, áli de bolsa memlekettik qyzmetkerlerge ádeptilik jáne jemqorlyq turǵysynan alǵanda, keıbir talaptardyń oryndalmaýy kórinip jatady. Úshinshiden, memlekettik qyzmetkerlerdiń kásibı deńgeıi men memlekettik qyzmettiń kórsetý sapasyn kóterý kerek», - dedi Á.Báımenov. Sonymen qatar agenttik tóraǵasy aldaǵy ýaqytta memlekettik saıası qyzmetshiler sany 8 esege qysqaratynyn jetkizdi. «Álemdik tájirıbe negizinde, elimizdegi 3300-ge jýyq saıası qyzmetkerler sany 400-ge qysqartalady., - dedi ol. http://www.baq.kz