Qazgıdromettiń habarlaýynsha, atmosferalyq fronttardyń ótýine baılanysty Qazaqstannyń basym bóliginde jańbyr, shyǵysta jaýyn-shashyn, naızaǵaı, daýyl bolyp, jeldiń  kúsheıýi kútiledi, tek ońtústikte jáne ońtústik-batysta jaýyn-shashynsyz aýa raıy kútiledi. Keı jerlerde tuman,  shańdy daýyl bolyp, burshaq jaýýy múmkin.

Qyzylorda oblysynyń keı jerlerinde tańerteń jáne kúndiz daýyl, shańdy daýyl, jeldiń kúsheıýi 15-23 m/s kútiledi.  Soltústik  Qazaqstan oblysynyń keı jerlerinde tuman, daýyl, burshaq bolýy múmkin, túnde basym bóliginde, kúndiz keı jerlerinde jel 15-20, túnde keı jerlerde ekpini 25 m/s  kúsheıýi  kútiledi. Qostanaı oblysynyń keı jerlerinde jel 15-20 m/s kúsheıip,  tuman bolyp, burshaq jaýýy múmkin.  Aqmola, Aqtóbe oblystarynyń, tańerteń jáne kúndiz Qaraǵandy jáne Pavlodar oblystarynyń keı jerlerinde jel kúsheıip, burshaq bolýy múmkin, Aqmola oblysynyń keı jerlerinde daýyl bolady. Túnde Almaty jáne Jambyl oblysynyń keı jerlerinde  tuman kútiledi. Batys Qazaqstan, Shyǵys Qazaqstan oblystarynyń, kúndiz Ońtústik Qazaqstan, Mańǵystaý, Atyraý oblystarynyń keı jerlerinde jel 15-20 m/s kúsheıedi. Shyǵys Qazaqstan oblysynyń keı jerlerinde túnde 2 gradýska deıin úsik kútiledi.