Výlf ınstıtýty ókilderiniń Qazaqstan Respýblıkasyna resmı sapary barysynda QR Din isteri jáne azamattyq qoǵam mınıstrligi janyndaǵy Mádenıetter men dinderdiń halyqaralyq ortalyǵy jáne Výlf ınstıtýty arasynda ózara yntymaqtastyq týraly Memorandýmǵa qol qoıyldy.

Atalǵan qujatqa Mádenıetter men dinderdiń halyqaralyq ortalyǵynyń dırektory Aıdar Abýov pen Výlf ınstıtýtynyń dırektory Edvard Kessler qol qoıdy.

Memorandým júıeli negizde zertteý jumystary men tájirıbe almasýǵa, dinı salada ózekti máseleler boıynsha konsýltasıalar men birlesken is-sharalardy ótkizýge jáne ózekti máseleler boıynsha dárister uıymdastyrýǵa múmkindik beredi. Taraptar budan basqa, dinaralyq dıalog pen kelisimdi, dinı birlestikterdiń ókilderi úshin bilim berý baǵdarlamalaryn ilgeriletýde yntymaqtastyqty damytýǵa nıetti.

Kezdesý barysynda f.ǵ.d., profesor Aıdar Abýov Halyqaralyq Mádenıetter men Dinder ortalyǵynyń qyzmeti týraly baıandady. Onyń aıtýynsha, ortalyqtyń qyzmeti halyqaralyq deńgeıde konfesıaaralyq kelisim men dinaralyq dıalogty nyǵaıtýǵa, Álemdik jáne dástúrli dinder kóshbasshylarynyń sezin uıymdastyrýǵa jáne ótkizýge, sıez Hatshylyǵy jáne Jumys tobynyń otyrystaryn ótkizýdegi Qazaqstan Respýblıkasynyń biregeı tájirıbesin nasıhattaýǵa baǵyttalǵan.

Výlf ınstıtýtynyń dırektory Edvard Kessler ınstıtýt janynan din jáne mádenıet máseleleri boıynsha 16 aptalyq bilim berý baǵdarlamasyn qurýdy, sondaı-aq, Qazaqstandaǵy dinı birlestik ókilderine jazǵy mektepti uıymdastyrýdy usyndy.

Kezdesý qorytyndysynda taraptar odan ári yntymaqtastyqty nyǵaıtýǵa jáne beıbitshilik pen toleranttylyqty dáripteýdegi yqpaldastyqty damytýǵa múddelilik tanytty.

Aıta keteıik, Výlf ınstıtýty musylmandar, hrıstıandar men ıýdeıler arasyndaǵy baılanystardy akademıalyq turǵyda zertteýde jetekshi oryn alady. Ol 1998 jyly doktor Edvard Kessler men profesor Martın Fordtyń bastamasymen qurylǵan. Instıtýt álemde óziniń zertteýlik, saıası, oqý-aǵartý jáne bilim baǵdarlamalary boıynsha úzdik dep tanylǵan uıym.