BUU Qyrǵyzstandaǵy urlanǵan qyzdyń ólimine qatysty resmı málimdeme jasady. Qujat uıymnyń resmı saıtynda jarıalandy. Bul týraly jergilikti BAQ habarlady.

«BUU júıesi kúshtep nekege otyrǵyzý maqsatynda erkinen tys urlanǵan qyzdyń ólimine qatysty alańdaýly. Sońǵy derekterge sáıkes, Qyrǵyzstanda 13,8 paıyz 24 jasqa deıingi qyzdar kúshtep turmysqa shyǵady. BUU Qyrǵyzstandaǵy zańsyz tájirıbeni aıyptap, joıý týraly oıdy tolyq quptaıdy», - delingen málimdemede.

Uıymnyń málimdeýinshe, kúshtep neke qıdyrý jeke adamnyń ǵana quqyǵyn shektep qoımaı, qoǵamnyń berekesin qashyrady. Qalyńdyq urlaý, kúshtep neke qıdyrý, alyp qashý syndy áreketter Qyrǵyzstan saltyna da, mádenıetine de jat.

Esterińizge sala keteıik, 27 mamyrda 30 jastaǵy er adam 19 jastaǵy Burulaı Turdalıevany qyzdyń erkinen tys alyp qashqan. Artynsha qyzdyń týystary polısıaǵa shaǵym túsiredi. Jaıyl aýdany Sosnovka aýylynyń ınspektorlary jigitti qolǵa túsirip, Burulaı ekeýin aýdandyq ishki ister bólimine jetkizedi. Birer saǵattan soń er adam qyzdy polısıa ǵımaratynda pyshqatpa óltiredi. Qyzdyń týystary bolǵan oqıǵaǵa quqyq qorǵaý organdarynyń ózin kinálap otyr. Kúdikti «kúıeý jigit» ustaldy, tergeý sharalary júrip jatyr. Al mılısıonerlerge qatysty «Nemquraılylyq» baby boıynsha is qozǵalmaq.