Qazaqstandyq kásipqoı boksshy, 2016 jylǵy olımpıada chempıony Danıar Eleýsinov (1-0, 1 KO) óziniń ataqty otandasy, orta salmaqtaǵy WBA/WBC/IBF tujyrymdarynyń chempıony Gennadıı Golovkınniń jetistiginen de joǵary mejege qol jetkizgisi keletinin aıtty, dep habarlaıdy Sports.kz.

"Golovkın Qazaqstanda óte tanymal jáne adamdar Qazaqstan jaıly aıta bastaǵanda bári GGG-di eske alady. Sondaı bolý meniń maqsattarymnyń biri. Qazaqstan týraly áńgime bolǵanda meniń atym atalǵanyn qalaımyn. Golovkın meniń elimdegi barlyq boksshyǵa esik ashyp berdi, bárimiz onyń jolyn qýýdy armandaımyz.  

Alaıda meniń óz jolym bar, tipti odan da zor nátıjege jetsem be deımin. Meniń armanym – absolútti, jeńilmegen álem chempıony bolý. Eń aldymen, óz elimdi tanytqym keledi, bul meniń alǵashqy masatym, eger bári oıdaǵydaı bolsa, men bul deńgeıde uzaq ýaqyt bolamyn. Men sporttyń bul túrin jáne óz jumysymdy jaqsy kóremin", — dep Sky Sports Danıardyń sózinen úzindi keltirgen.

6 maýsymda Londonda Danıar Eleýsinov kásipqoı bokstaǵy ekinshi jekpe-jegin ótkizedi, onyń qarsylasy venger boksshysy Gabor Gorbıch (24-11, 14 KO) bolady.