Semeıde Álıa Nazarbaeva qorynyń uıymdastyrýymen «Birge jarqyraımyz!» atty respýblıkalyq ekologıalyq festıvál ótti.

Semeıdiń taza ári kórikti qalaǵa aınalýyn qala turǵyndarynyń barlyǵy armandaıdy. Osyǵan oraı  «Birge jarqyraımyz!» atty festıvaldi Astana qalasynan keıin  Semeı jalǵap otyr.  Respýblıkalyq festıvál elimizdiń 16 qalasynda ótpekshi.

Qaladaǵy №3 mektepte ustazdar, ata-analar qaýymy, balabaqshalar, úkimettik emes uıymdardan barlyǵy atap aıtqanda, 50 uıym bas biriktirdi. Olar ózderiniń ártúrli jobalarymen, dızaındarymen jáne ekologıalyq tazalyq, adam jáne tabıǵat tazalyǵy týraly kóptegen usynystarymen bólisti. Jáne Álıa Nazarbaevanyń qatysýymen túsirilgen bala tárbıesi, mekteptegi ustaz ben oqýshy qarym-qatynasy týraly fılmdi tamashalady.

-Festıvaldiń negizgi maqsaty-bizdiń qoǵamdaǵy ekologıalyq mádenıetti arttyrý, qalanyń kógaldandyrylýy, adamdardyń óz eline degen qurmeti,-dedi qalalyq qoǵamdyq keńes tóraǵasynyń orynbasary Janna Jıbraeva.

Semeıdegi №3 mektepte ótken festıválge qala ákimi Ermak Sálimov jáne qoǵamdyq mańyzy bar usynystardy damytý qory tóraǵasynyń orynbasary Tatána Nemsandar qatysty.

Sondaı-aq festıvál aıasynda qaladaǵy Avısenna kolejiniń stýdentteri Abaı atyndaǵy kitaphananyń aýlasyna jasyl shyrsha kóshetterin otyrǵyzdy. «Birge jarqyraımyz!» respýblıkalyq festıvali jastardyń qatysýmen jalpy qalalyq senbilik ótkizdi. Onda 500 jas kóshet otyrǵyzyldy.