SHYU-nyń álem aldynda salmaǵynyń artýy úlken saıası másele. Bul týraly Elbasy Qytaıǵa sapary jóninde BAQ ókilderine bergen suhbatynda málimdedi, dep habarlaıdy Qamshy.kz aqparat agenttigi.

- Shynynda Reseı men AQSH, batys elderi arasyndaǵy sanksıalar Reseı úshin ońaı bolyp turǵan joq. Eýropanyń ózi qazir AQSH-pen kelisimge kele almaı jatyr. Integrasıa máselesi báseńdep qaldy. AQSH pen Tynyq muhıty elderi arasyndaǵy kezdesýler, tipti janyndaǵy Kanada men Meksıka arasyndaǵy qarym-qatynas nasharlap jatqanda, dúnıe júzinde saýda uıymynda qabyldanǵan máseleler oryndalmaı jatyr. BUU qabyldaǵan sheshimder de oryndalmaı, álem elderi arasyndaǵy baılanys bosańsyp jatqan kezde SHYU basqa memleketter úshin úlken úmit sıaqty. Byltyr «Bir bildeý, bir jol» taqyrybynda forým uıymdastyryldy. 137-dan astam el qatysty. Bul neni bildiredi? Barlyq ıntegrasıalyq qarym-qatynastar men jahandaný prosesi álsiregende qandaı da bir jol izdeý kerek. Halyqaralyq erejeler, saıası kelisimder oryndalmaǵanda «Bir beldeý, bir jol» syndy jobalar adamdarǵa múmkindik beredi, - dedi Nazarbaev.búgingi jıyn tarıhı bolyp sanalady. Sebebi samıtke 8 memleket qatysty. Úndistan men Pákistannyń osy qatarǵa qosylýy jer betiniń 20 paıyz ekonomıkasy men 40 paıyz halqynyń osy jerde shoǵyrlanýyna sebepker bolyp otyr. Bul memleketterdiń barlyǵy osy jerden naryqqa, ıntegrasıaǵa, qarjyǵa qol jetkizýge úmitti. SHYU osyndaı úmit syılaıdy. Biz osy baǵytta jumys jasaımyz. Bul Qytaıdyń ózine de paıdaly. 1,5 mıllıard halyqtyń jasap jatqan zatyn satý kerek qoı. Jibek joly arqyly taýarlaryn syrtqa shyǵarý, artyq aqshasyn tıisti jerlerge salý kerek. Al bizge paıdaly tusy – bizge de naryq ashylady, qarjy keledi, óndiris ashamyz. Sol sebepti bul máseleniń úlken mán-maǵynasy bar dep sanaý kerek", - dedi Nursultan Nazarbaev.