Qazaqstan prezıdenti Nursultan Nazarbaev qytaı kásipkerleri ınvestısıa quıatyn basty jobalar men kásiporyndardy atady.

– Men árdaıym bizge tórtinshi munaı óńdeý zaýyty qajet ekenin aıtatynmyn. Qazir biz qaıta qúrý jumystaryn júrgizdik, biraq 3-4 jyldan keıin janar-jaǵarmaı materıaldary qaıtadan jiberilmeıdi. Sol sebepti munaı óńdeý zaýyty qajet. Biz 50 paıyzyna qytaılyq ınvestorlardy, qalǵan 50 paıyzyna ózimizdi kirgizemiz dep kelistik. Ol 2 mlrd AQSH dollaryn quraıdy. Qazaqstanǵa ondaı ınvestısıany kim quıady? Batys Qazaqstanda polıetılen óndirisi týraly másele bar. Alǵashynda polıpropılen, keıin polıetılen, - gazdy hımıalyq kombınat dep atalady ári baǵasy qurylǵy jaǵynan da, kólemi jaǵynan da qymbat. Tek osy jerde ózara túsinistikke qol jetkizdik, - dedi Memleket basshysy.

Onyń sózinshe, Qazaqstan-qytaı yntymaqtastyǵynyń arqasynda alúmını óndirisi de damıtyn bolady.

– Pavlodar alúmını zaýyty: biz tek glınozem sattyq. Qazir osy kompanıalardyń arqasynda 250 myń tonna metal alúmınıin óndirip otyrmyz, taǵy 200 myń tonna taza alúmını óndirip jatyrmyz. Glınozem men baıytylǵan alúmınıden qaraǵanda onyń baǵasy basqa. Bul obektilerdiń bári 800 mln dollar turady, - dedi prezıdent.

Buǵan qosa Qazaqstanda qytaılyq ınvestorlardyń qarjysyna taǵy bir kásiporyn ashylmaq.

– Almaty oblysy, Saryózek pen Taldyqorǵannyń ortasynda «Kóksaı» mys ken orny bar. Osy ken oryndary negizinde Almaty oblysynda iri taý-ken metalýrgıalyq kombınaty paıda bolady. Aqtoǵaı kendi kombınaty – konsentrat óndiretin alyp kombınat. Onda 40 mln tonna ken óńdeledi. Ony damytý úshin Pavlodarda taǵy bir zaýyt salý týraly kelistik. Ol burynnan bar, tek damytý kerek, - dedi Elbasy.