Almatyda 20 jastaǵy jigitti kólikpen qaǵyp, aryqqa laqtyryg ketken. Bul jaıynda Tengrinews jazady. Sonymen qatar jigittiń tisteri synǵan, aýzy men murny jyrylǵan.

Oqıǵa Tóle bı men Baızaqov kóshesiniń qıylysynda 8 maýsymda tańǵy 9-da bolǵan.

— Ádette ol 40 mınýt kólikpen júredi. Artynsha Baızaqov kóshesine shyǵyp, jaıaý júredi. Sol kúni de ulym dál solaı júrgen, - deıdi jigittiń anasy.

Jigittiń ózi baǵdarsham men qatty kele jatqan kólikti ǵana esinde saqtaǵan.

Jigitti aýrýhanaǵa jetkizgen kezde qanynda kóp mólsherde spırt  tabylǵan. Jigittiń anasynyń aıtýynsha, ony qaqqan adam shetke shyǵaryp, ishimdik ishkizgen. 

— Menińshe ony qaǵyp, jaqyn jerge aparyp, ishimdik ishkizgen. Onyń tisteri synǵan, erni jyrylǵan, tamaǵy kúıip qalǵan. Meniń ulym ishimdik ishpeıdi. Ol sol kúni jumysqa bara jatqan. Qazir tamaqty baıqap jeıdi, oǵan ázir júrýge bolmaıdy, bas kúıegi zaqymdanǵan. Biz basynda ne bolǵanyn bilmedik. Kólik qaqqany jaıly onyń ózi aıtty. Oqıǵanyń qalaı bolǵanyn aıtqanda birden polısıaǵa habarlastyq. Polısıa qyzmetkerleri «mas boldy, tóbelesti, qulap qaldy» dep túsinikteme berýge meni  májbúrledi, - deıdi jigittiń anasy Marına Dolgaleva.