Bolat Erjanov Almaty Halyqaralyq áýejaıynyń prezıdenti bolyp taǵaıyndaldy,  dep habarlaıdy Qamshy.kz aqparat agenttigi kompanıanyń baspasóz qyzmetine silteme jasap. 

"Almaty Halyqaralyq áýejaıynyń" prezıdenti laýazymyna osyǵan deıin kompanıanyń tasymaldaýdy uıymdastyrý jóninde atqarýshy dırektor qyzmetin atqarǵan Bolat Erjanov taǵaıyndaldy", - delingen habarlamada. 

Bolat Erjanov 1966 jyly 9 jeltoqsanda Pavlodar oblysynda dúnıege kelgen. Omsk azamattyq avıasıa ýchılıshesiniń túlegi.

Eńbek jolyn 1997 jyly Qazaqstan Respýblıkasy Azamattyq avıasıa basqarmasynyń birlesken avıasıalyq quramynda bastady. 1997 jyldan 2003 jylǵa deıin «Eır Qazaqstan» avıakompanıasynda, «Ertis Avıa» avıakompanıasynda jumys istedi, 2003 jyldan bastap Almaty Halyqaralyq áýejaıynda basshylyq qyzmetter atqardy. 2010 jyldyń 1 qańtarynan bastap «Almaty halyqaralyq áýejaıy» AQ tasymaldaýdy uıymdastyrý jónindegi atqarýshy dırektor boldy.

Almaty áýejaıy - Ortalyq Azıa men Qazaqstandaǵy eń úlken áýejaı. Ushý qarqyndylyǵy saǵatyna 12-15 ushaq nemese táýligine 170-ke jetedi. 2017 jyly 5,7 mıllıon jolaýshyǵa qyzmet kórsetti. Qazirgi ýaqytta, áýejaı táýligine 13 myń. 500 jolaýshyǵa deıin qyzmet kórsetedi.