Aqordanyń baspasóz qyzmeti Máskeý qalasyndaǵy «Lýjnıkı» stadıonynda fýtboldan 2018 jylǵy álem chempıonatynyń ashylý rásiminen sýretter jarıalady. Rásimge memleket basshysy Nursultan Nazarbaev ta qatysty.

«Ashylý rásimi aıaqtalǵan soń Reseı jáne Saýd Arabıasy qurama komandalary arasynda chempıonattyń aqtyq kezeńiniń birinshi oıyny boldy» , - delingen  vedomstvoda.

Fotosýrette Nazarbaevpen qosa prezıdent ákimshiliginiń basshysy Ádilbek Jaqsybaev, Qyrǵyzstan prezıdenti Sooronbaı Jeenbekov jáne Máskeý ákimi Sergeı Sobánın otyr.

ÁCH-2018 rásiminiń ashylýyna TMD elderiniń basshylary – Aleksandr Lýkashenko, Shavkat Mırzıaev, Nıkol Pashınán, Ilham Álıev, Saýd Arabıasynyń hanzadasy Muhammed ıbn Salman Ál Saýd jáne basqalary qatysty.

Budan ózge qazaqstandyq tanymal boksshy Gennadıı Golovkın de chempıonattyń ashylý rásimine qatysty. Áleýmettik jelide boksshynyń sýretteri paıda boldy.

2018 jylǵy álem chempıonatynyń aqtyq kezeńi 14 maýsym men 15 shilde aralyǵynda ótedi. Týrnırge 32 ulttyq qurama komanda qatysady. Komandalar arasyndaǵy oıyndar Reseı Federasıasynyń 11 qalasyndaǵy 12 stadıonda ótedi.