Jetisaı qalasyndaǵy kópqabatty turǵyn úılerdi ortalyqtandyrylǵan káriz júıesine qosý jumystary jalǵasýda. Budan bólek birqatar kópqabatty turǵyn úı kúrdeli jóndeýden ótkizilýde. Sondaı-aq, qalany aýyz jáne aǵyn sýmen qamtý máselelerinde túıtkilder týyndamaýy tıis. Qala ishindegi sý qashyrtqylarynda tazalyq saqtaý úshin toqtaýsyz aǵyn sý aǵyp turýy qajet. Búgin osy jáne ózgede ózekti máseleler Maqtaral aýdanynyń ákimi Jamantaı Beısenbaevtyń qatysýymen ótken apparat otyrysynda áńgimege arqaý boldy.

Jalpy Maqtaral aýdany boıynsha 265 kópqabatty turǵyn úı bar. Sonyń ishinde 214 turǵyn úı kondomınıým retinde tirkeýge jatady.  Atalǵan turǵyn úılerdiń 109-y Jetisaı qalasynda, 14-i  Atakentte,  14-i  Myrzakentte ornalasqan.  2014 jyly Jetisaı qalasyndaǵy 3, 2017 jyly Myrzakenttegi 9, Atakent kentinde 2, Asyqata kentinde 7 kópqabatty turǵyn úı kúrdeli jóndeýden ótkizilgen.

«Endigi másele – turǵyn úılerdi ortalyqtandyrylǵan káriz júıesine qosý. Bul óte aýqymdy jumys. Sondyqtan eń aldymen kópqabatty turǵyn úılerge  vakýmdy sý sorǵysh qondyrǵalary ornatylýy qajet. Sonda ǵana káriz júıelerine qosylý jumystary nátıjeli bolmaq», -  dedi Jamantaı Qanaıuly.

Jıyn barysynda Jetisaı qalasyn 24 saǵat aýyz sýmen qamtý máselesi de talqylandy. Ol úshin 9 skvajınanyń jumysyn kúndelikti qadaǵalaýǵa alyp, tozyǵy jetken sý júıelerin jańalaý qarastyrylýda. Osy jaıttarǵa toqtalǵan aýdan ákimi qaladaǵy santıtarlyq tazalyqqa da asa den qoıý qajettigin eskertti. Bul rette ár senbi saıyn ótkizilip kele jatqan senbilikterdiń nátıjeligin qadaǵalaýdy tıisti sala basshylaryna tapsyrdy.