Konkýrstyq komısıanyń sheshimine sáıkes Esenjolov Nurjan Erǵalıuly Semeı qalasynyń ishki saıasat bóliminiń basshysy laýazymyna taǵaıyndaldy, dep habarlaıdy Qamshy.kz aqparat agenttigi. 
Nurjan Esenjolov 1985 jyly Shyǵys Qazaqstan oblysy, Semeı qalasynda dúnıege kelgen. Bilimi joǵary. 2007 jyly Semeı memlekettik pedagogıkalyq ınstıtýtyn «Tarıh», 2009 jyly Qazaq ınovasıalyq gýmanıtarlyq-zań ýnıversıtetin «Quqyqtaný» mamandyǵy boıynsha bitirgen. 
«Bolashaq» stıpendıasymen Ulybrıtanıanyń Sheffıld ýnıversıtetinde «Memlekettik basqarý jáne saıasat» mamandyǵy boıynsha magıstratýrany támamdady. 
Eńbek jolyn 2007 jyly M.O. Áýezov atyndaǵy ýnıversıtettiń «Tarıh» kafedrasynyń oqytýshysy retinde bastaǵan.
Memlekettik qyzmetin 2009 jyly Semeı qalasynyń ishki saıasat bóliminiń jetekshi mamany retinde bastady. 
Qala ákimi apparatynyń uıymdastyrý-baqylaý jáne kadr jumystary bóliminiń jetekshi jáne bas mamany qyzmetterin atqardy, Semeı qalasynyń mádenıet jáne tilderdi damytý bólimi basshysynyń orynbasary, sondaı-aq Semeı qalasynyń ishki saıasat bólimi basshysynyń orynbasary laýazymynda qyzmet atqardy. 
2016-2017 jyldary Semeı qalasy ákiminiń baspasóz hatshysy qyzmetin atqardy. 
2017 jyldan búginge deıin Shyǵys Qazaqstan oblysy ákimi apparatynyń bas ınspektory – baspasóz hatshysy laýazymynda qyzmet atqaryp keldi.